香港寵物服飾品牌推薦：由香港設計師與本地專業裁縫師傅攜手合作，以親膚好質料為毛孩打造簡約時尚款式，香港製造的山系寵物服飾。
家有愛寵的你，一定也經歷過這種情況：辛苦工作了一整天，或受盡委屈、疲憊不堪，但當看見滿心歡喜迎接你回家的毛小孩，所有煩惱頓時煙消雲散。
寵物猶如我們的心靈避風港，更像家人般的存在；而給家人的，一定要是最好的。家有四隻愛貓的Twiggy Mo為了給「無毛孩」一件合身、舒適又美觀的衣服，親自設計和縫紉了一系列寵物衫，後來毅然辭去工作，創辦了本地寵物服飾品牌Momotone。品牌背後，Twiggy更希望能支持香港製造、保留香港曾經豐盛的製衣業，並邀來昔日從事製衣的專業裁縫師傅合作，發揚香港人的好手藝。
Momotone Yama Paws / Vest Beige 寵物山系背心
價錢：$400
尺碼：XXS / XS / S / M / L / XL
物料：100% Cotton
好質料好設計 屬於寵物的Modern Wardrobe
接過Twiggy的咭片，她的姓氏「Mo」與品牌名字「Momotone」十分契合。自小喜愛動物的Twiggy，家中養有四隻毛孩，分別是英國短毛貓Bambi、異國短毛貓超瓊、以及一對無毛貓（加拿大斯芬克斯貓，Sphynx）兄弟Momoa和Gizmo，而Twiggy也是由養無毛貓後才開始對寵物服飾更講究：「無毛貓嘅皮膚好敏感幼嫩，而且好曳好容易整損自己，佢哋著衫唔單止係保暖，仲係保護皮膚。但以前去日本韓國旅行買寵物衫，就算貴到$300至$400一件，著咗都會敏感紅腫、拗到損晒。」眼見Twiggy提到家中愛貓受傷時臉上緊皺的眉頭，可以想像她對自己的毛孩有多重視。
原來市面上的寵物衫，即使價格昂貴，質料亦未必親膚；加上無毛貓的骨架與其他貓有別，Twiggy經常遇上衣不稱身的問題，要自行修改，便漸漸萌生自己做寵物衫的念頭，創辦了Momotone。除了用上貴價優質布料，Momotone的寵物服飾版型亦切合不同品種與體型的貓狗：「寵物衫好多時啱貓著就唔啱狗著，好想做個版型俾唔同品種嘅貓狗都著到。」
於是Twiggy自行報讀坊間的縫紉班、執起家中衣車、親手設計紙樣、縫製頭版與製衣師傅一起修改。一個版型，一試，便是六個月。Twiggy：「市面上嘅寵物衫無兼顧寵物郁動同偏短身，其實寵物個身冇咁短，佢哋著背心係最舒服。我自己會諗埋佢哋第一身用家嘅user-friendly角度，design長少少等佢哋暖到肚仔。」而最後Momotone推出的產品，大部分款式有七個尺碼，連初生的貓狗都可以穿著。
造型設計方面，Twiggy也希望打破大眾對寵物服飾的既定印象：「出面啲寵物衫一係好cute好公主，唔係我自己鍾意嘅美學，我想有個modern wardrobe比佢哋。」於是便有了Momotone一系列時尚簡約又中性的設計，種類更囊括山系背心、山系外套、披肩、牛仔裙等，融合了休閒服裝與戶外技術設計，美觀之餘又不失實用性。
Momotone Yama Paws / Utility Coat Beige 寵物山系外套
價錢：$550
尺碼：XS / S / M / L / LL / XL
物料：100% Cotton
Momotone Yama Paws / Utility Coat Green 寵物山系外套
價錢：$550
尺碼：XS / S / M / L / LL / XL
物料：100% Cotton
Momotone Moonrise / Captain 寵物披肩 (點上圖可訂購)
Momotone Moonrise / Captain 寵物披肩
價錢：$200
尺碼：S / M / L / XL
物料：100% Cotton
香港人支持香港事：「想發揚香港人精神」
從任職過各間外國公司Creative部門達十年，到自己執起針線和衣車，Twiggy除了希望給自己家中貓咪最好的衣服，原來背後更是為香港人抱不平：「好多時喺香港嘅外國公司，香港人做嘢有表現，但淨係做execution嗰part，光環會俾咗外國人。其實好多香港人都好叻，但我哋俾人睇低咗。」Twiggy有感平日市場上所見的產品，其實背後是一班香港人的努力：「我個人好抱不平，成日覺得點解要係咁？我哋香港人要發聲，要發揚香港人精神。」於是她便毅然辭去工作，創立一個香港設計的本土品牌，希望證明香港人的才華與能力，客人的反饋就說明了一切：「好多人都估唔到係香港牌子，覺得個brand可以去到國際、做得起。」
除了是自家設計，Twiggy亦邀來昔日從事製衣的專業裁縫師傅合作，希望身體力行支持香港製造。她感概說道，香港曾經豐盛的時裝製衣業，現今已逐漸變成夕陽行業：「既然香港人有一樣咁自豪嘅野，我唔想浪費咗佢。點解其他國家，例如日本，可以好好保護到自己傳統，將佢發揚光大，我哋就唔可以？」這番說話背後，盛載的是Twiggy對Momotone寄予的期望和抱負，然後她便接連稱讚這群香港製衣師傅的好手工，說得不亦樂乎：「試過將啲寵物衫攞俾其他國家做fashion嘅人睇都話車得好好，我仲直程試過攞落樓下俾改衫舖姐姐睇，佢哋都問車得咁靚真係香港做㗎？」
其實香港製衣行業歷史悠久，曾經國外各大品牌產品均出自這些香港老師傅手中，Twiggy卻自感大眾聽到外國品牌方覺得高檔有品味；她曾任職於一個中國製造的瑞典牌子，然而客人得悉是瑞典牌子卻會購買：「香港人有個問題就係好崇洋，我自己brand啲衫因為用料靚，賣$300左右，但啲人往往睇到係香港牌子就覺得唔值呢個價。其實好多香港品牌都有好多優勢同potential，點解唔多啲支持返本土、支持返香港製造？」對於Twiggy來說，Momotone帶給她的意義是用薪金換不到的成功感，而這份成功感在於，除了令香港品牌的潛質和香港的專才被看見，更是令香港人繼續支持香港製造。
Momotone Eggyolk / Beige (點上圖可訂購)
Momotone Eggyolk / Beige
價錢：$330
尺碼：XXXS / XXS / XS / S / M / L / XL
物料：100% Cotton
同時兼顧環保的本土品牌 望對社會有貢獻
談到布料的選擇，Twiggy多次重複「質料真係好重要」，但著重質料的同時，她還希望可以兼顧環保。想起以前工作時，Twiggy發現每次生產一件產品會同時製造很多廢料，而時裝業所需染布過程對環境造成的污染更甚；比起「賺到盡」，她寧願用上成本貴不少的環保布：「我想做一樣嘢時係長遠諗到可持續發展，做到smart design，唔想為做生意而做生意，想對社會有貢獻，創造一樣嘢時對環境少啲負擔。」經過一輪篩選，Momotone出品的寵物服飾沿用日本高品質環保布料，這種布料被眾多名牌選用，生產時染布過程會用少99%水，並可進行生物降解，大大減輕對地球負擔。
除了產品本身，Momotone所有寵物服飾包裝都用了環保紙，印刷上則選用大豆油墨，Twiggy笑言：「我開頭比你張咭片都係用粟米紙㗎！」真的是名符其實將環保理念貫徹整個品牌。未來她會繼續留意高科技發展和綠色生產趨勢，希望將更多環保科技應用到自己品牌上。
將最好給最愛 金錢無法衡量的價值
自籌備Momotone到正式推出品牌，光是修改版型已用上半年時間，當中的辛酸，Twiggy有苦自己知。每次改版，Twiggy都需要解決紙樣如何適用於不同動物的難題，改版的價錢更是十分昂貴，她直言是「燒錢」。而用料方面，她亦面對許多旁人的不解：「好多人都話我傻，佢哋覺得著喺動物到啫，唔洗用咁貴嘅布，用大陸布會平好多。」隨後她笑道創辦Momotone是希望做開心、有意義的事，覺得自己有點不計成本：「我自己鍾意動物，自然想俾最好嘅野佢哋，有啲野唔可以用錢去衡量，寵物開心我都開心。」
Momotone Boo / Navy (點上圖可訂購)
Momotone Boo / Navy
價錢：$280
尺碼：XXXS / XXS / XS / S / M / L / XL
物料：100% Cotton
Momotone Sherbet / Mint (點上圖可訂購)
Momotone Sherbet / Mint
價錢：$280
尺碼：XXXS / XXS / XS / S / M / L / XL
物料：100% Cotton
最後筆者問到家中愛貓對Twiggy來說有多重要，她毫不猶豫回答道：「我當佢哋係仔女。」大概這也是大部分毛孩父母的心聲吧。
Facebook: momotone
Instagram: @momo.tone
(Some Photos by Momotone)
延伸閱讀